يا ترى ليه البنوك المصرية بتقدم خدمات مجانية دلوقتي، وإيه هي طبيعة الخدمات دي، يعني كل شيء مجاني ولا خدمات بعينها، وامته يقدر يروح العميل ويستفيد من كل الخدمات دي.. هنقولك كل التفاصيل في الفيديو ده فتابعنا للآخر.
في الساعات الأخيرة، في عدد من البنوك المحلية، أطلقت خدمات بنكية مجانية، زي وقف الرسوم على فتح الحسابات الجديدة بدءا من امبارح ولحد يوم 15 ديسمبر، وده بيجي ضمن مبادرات الشمول المالي اللي أطلقها البنك المركزي المصري للتسهيل على المواطنين.
وكمان، متاح فتح حساب مجاني في البنك الأهلي وبنك مصر، خاصة بعد ما أعلنوا وقف تحصيل الرسوم والعمولات على حسابات التوفير والحسابات الجارية للعملاء الجدد بدءا من امبارح الأحد، ومن المقرر استمرار العمل بالقرار ده لحد يوم 15 ديسمبر الجاري؛ كمشاركة في مبادرة البنك المركزي للشمول المالي.
بردو، البنك التجاري الدولي cib، أعلن البنك على موقعه الرسمي، الانضمام للمبادرة، على أن يستمر العمل بها في جميع فروعه طوال مدة المبادرة الممتدة من يوم 1 لحد 15 ديسمبر 2024، وده طبعا تحت رعاية البنك المركزي المصري، دعما لذوي الهمم.
عشان كده، بتبادر أغلب البنوك العاملة في مصر، على المشاركة في مبادرات البنك المركزي على مدار السنة، والبالغ عددها 6 مبادرات للشمول المالي، وخلالها بيتم فتح حساب مصرفي لكل مواطن مجانا وبأقل وأبسط الإجراءات؛ ببطاقة الرقم القومي بس لازم تكون سارية فقط.
وممكن، يطلب المواطن فتح حساب الشمول المالي، في كل البنوك العاملة في مصر والمشاركة في المبادرات، لأنها بتلتزم بفتح الحسابات بدون التقيد بالحد الأدنى للرصيد، المقرر في الأيام العادية.
ضيف على القايمة، البنك العربي الأفريقي الدولي، اللي أعلن انضمامه لمبادرة ذوي الهمم لفتح حسابات للعملاء الجدد بدون أي مصاريف وبدون التقيد بالحد الأدنى للرصيد على مدار أول أسبوعين من شهر ديسمبر الحالي.
وكمان، بنك التعمير والإسكان وHSBC وبنك القاهرة والبنك الزراعي المصري وبنك نكست، فجميع البنوك دي، أطلقت حزمة من الخدمات المصرفية الإلكترونية المجانية خلال فترة المبادرة، واللي أهمها فتح حساب مصرفي مجاني ودون التقيد بحد أدنى للرصيد، وتحديدا حسابات التوفير والحسابات الجارية للعملاء الجدد.
ومتاح الاشتراك في خدمات الإنترنت والموبايل بانكينج، وتفعيل المحافظ الذكية، ومتاح كمان خدمات تطبيق إنستاباي للتحويلات اللحظية.
البنوك بردو بتسهل إصدار بطاقات الخصم المباشر وبطاقات ميزة مسبقة الدفع، وبيتم ربطها بالحسابات البنكية بكل سهولة.
فلو حضرتك عايز تفتح حساب جديد أو ناوي تفعل خدمات المحافظ الإلكترونية أو الإنترنت البنكي أو تعمل بطاقة، فاستغل الفرصة واطلع على أي فرع بنك جنبك واقضي مصلحتك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
