مشروعات زراعية هتغير قواعد اللعبة.. يا ترى الحكومة بتعمل ايه في الريف المصري؟

هي إيه قصة مشروع "سيل" اللي الحكومة بتنفذه الحكومة في الريف المصري وتحديدا في صعيد مصر، وإيه هي أهدافه، وليه الوزراء بيزوروا الريف دلوقتي، وإيه المستهدف من المشروع ده.. هنقولك كل التفاصيل في التقرير ده فتابعنا للآخر 
 

في الساعات الأخيرة، وزير الزراعة علاء فاروق، ووزير التخطيط والتنمية الاقتصادية الدكتورة رانيا المشاط، وكمان الدكتور هاني سويلم وزير الموارد المائية والري، زاروا محافظة المنيا، وتففدوا أنشطة مشروع الاستثمارات الزراعية المستدامة اللي اسمه "سيل" واللي بيتم تنفيذها في محافظة المنيا دلوقتي.

والزيارة دي كانت أهدافها، استعراض عدد من المشروعات والأنشطة اللي بيتم تنفيذعا ضمن "سيل" في المحافظات المستهدفة، زي أعمال البنية التحتية الزراعية، وتمكين المرأة، ودعم صغار المزارعين، والتنمية الريفية، ودعم الجمعيات الزراعية.

ونقدر نقول إن أهمية المشروع ده كمان، متمثل في تحقيق التنمية المستدامة، ودعم صغار المزارعين، وتوفير فرص العمل، وتنمية مهارات المرأة الريفية، وتحسين مستوى معيشة الفلاحين، عشان كده وزارات، زي وزارة الزراعة بتولي اهتمام كبير بدعم المشروعات اللي بتساهم في تطوير الريف المصري.

ونقدر نقول، إن في تعاون مشترك بين وزارة الزراعة مع وزارة التخطيط والتنمية الاقتصادية والتعاون الدولي، والصندوق الدولي للتنمية الزراعية "ايفاد" في مشروع "سيل" عشان يتم تنفيذ أنشطته اللي بتهدف جميعها لتحسين ظروف الفئات المستهدفة في محافظات عمل المشروع وخاصة في الريف المصري.

والمشروع ده كمان بيشمل، توزيع عدد من المنح على المستفيدين والمستفيدات في الريف، وبيشمل تحديث وتطوير الري وتحويل نظام الري بالغمر إلى ري حديث متطور بنظام التنقيط، بأراضي الإستصلاح الجديدة، وكل ده بيسهم في زيادة إنتاجية المحاصيل وتوفير المياه، اللي بيعتبر هدف قومي عشان نقلل تكاليف الري وتحقيق عدالة توزيع المياه، وكمان الاستغلال الأمثل لوحدتي الأرض والمياه.

ودلوقتي الدولة المصرية وعلى رأسها الرئيس عبدالفتاح السيسي مهتمة جدا بتنمية القرة المصرية والريف المصري، ورفع مستوى معيشة أبناءه، والحفاظ على الرقعة الزراعية، وتنميتها، عشان كده مشروع "سيل" بيعتبر نموذج للاهتمام ده، واللي بيستهدف أكثر من 300 ألف مواطن على مستوى الريف المصري، بيمثلوا أكتر من 40 ألف أسرة، كمان بيقدم الدعم للمشروعات الإنتاجية الصغيرة ومتناهية الصغر وتنميتها.

وضمن المشروع، وزارة الزراعة والري كمان، انتهت من أعمال تطوير الري لمساحة 1,248 فدان على خط في سمالوط في المنيا، من خلال طلمبات مياه بتشتغل بالطاقة الشمسية، وكمان تم إنشاء خزانات أرضية بأراضي المنتفعين لتوفير المياه طوال الشهر وتتغلب على فترة المناوبات لمياه الري، كمان بيتم إستخدام الخزانات دي كأحواض لتربية الأسماك، ده بالإضافة للإنتهاء من أعمال تطوير ري إضافية لمساحة 8,868 فدان بمناطق عمل المشروع.

طبعا، كل ده كلام جميل جدا، بيؤكد نية الحكومة في تطوير الريف المصري ودعم أهاليه، لأن الريف رديف مهم جدا للتنمية الشاملة المستدامة اللي بتستهدف الحكومة المصرية تنفيذها دلوقتي.