هو امته الحكومة هتطبق الحد الأدنى للأجور، وفي أي شهر من السنة الجديدة 2025، والزيادة هتكون كام، وامته بالظبط هيتطبق وهيطبق على مين بالظبط.. هنقولك كل التفاصيل في التقرير فتابعنا للآخر.
طبعا زيادة الحد الأدنى للأجور بيشغل بال ملايين الموظفين اللي شغالين في الجهاز الإداري للدولة، واللي بيزيد عددهم على 5 مليون موظف، ومع قرب بداية سنة 2025 فكتير متعشمين في تطبيق زيادة تانية الحد الأدنى للأجور عليهم بسبب غلاء المعيشة وارتفاع الأسعار.
عشان كده، في ناس كتير بتسأل هل فيه زيادة جديدة في الحد الأدنى ولا لأ، خاصة وأن مافيش أي جهة حكومية لها صلة بالأجور، اتكلمت عن الموضوع ده، بس احنا هنقولك الكواليس.
متوقع جدا إقرار زيادة الحد الأدنى للأجور اللي هو حاليا 6 آلاف جنيه في أول السنة المالية الجديدة يعني على شهر يوليو الجاي، وده كلام مجدي البدوي، المقرر المساعد للجنة النقابات والعمل الأهلي في الحوار الوطني، ونائب رئيس اتحاد العمال
وقال كمان مجدي البدوي، إن من المتوقع إقرار زيادات جديدة في المرتبات والحد الأدنى للأجور لعام 2025، وده بيجي في إطار صرف حزمة اجتماعية جديدة، بما يتناسب مع الأوضاع الحالية وارتفاع الأسعار.
وأكد البدوي، إن من الصعب التنبؤ بنسب محدّدة بشأن زيادات الحد الأدنى للأجور 2025، ولكن الموضوع متروك للحكومة والجهات المختصة بتحديد رفع الأجور، ولكن في الغالب هتزيد بمعدلات تدعم القدرة الشرائية للمواطن.
ووفقًا لجدول الحد الأدنى للأجور 2024 المعلن من المجلس القومي للأجور في مايو اللي فات ، فكل درجة وظيفية ببتم تحديد راتب نقدي لها، يعني زي مثلا رواتب الدرجة الوظيفية الممتازة، اللي بتصل إلى 12200 جنيه.
أما رواتب الدرجة العالية، قتم تحديدها لـ القطاعين الخاص والعام عند 10200 جنيه، وراتب الموظف بدرجة مدير عام وصل ل 9200 جنيه.
نيجي للحد الأدنى للأجور بالدرجات الوظيفية، فراتب الدرجة الوظيفية الأولى، وصل إلى 8200 جنيه، وكمان رواتب الدرجة الوظيفية الثانية 8000 جنيه، ورواتب الدرجة الثالثة 7500 جنيه.
وضيف للقايمة راتب الدرجة الرابعة اللي بيقدّر بـ7 آلاف جنيه، وراتب الدرجة الخامسة وصل إلى 6 آلاف و500 جنيه، وأخيرا راتب الدرجة الوظيفية السادسة وصل ل 6 آلاف جنيه.
وطبعا، وزارة المالية هتعلن جدول الحد الأدنى للأجور 2025 في الوقت المناسب، لكنها دلوقتي شغالة عليها، عشان تقدر توفر الدعم الكامل لجميع الموظفين، بهدف تحسين الظروف المعيشية للجميع ولازم نعرف ان موضوع زيادة الحد الأدنى للأجور دا مش سهل خالص لأنه بيكلف الموازنة العامة للدولة مبالغ طائلة وكمان لازم الحكومة تدبر موارد الزيادة الجديدة المتوقعة من موارد مالية حقيقية يعني الحكومة مش هتطبع فلوس وتوزعها على الناس لأن دا ليه تأثير عكسي على الاقتصاد وخطوة تجيب انتكاسة.
فلو حضرتك من الموظفين اللي مش منطبق عليهم الحد الأدنى للأجور، فاستنى اللحظة الحاسمة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
