في ناس كتير عندها قلق خصوصا الناس اللي عندها شهادات ادخار بسبب الاجتماع اللي جاي للجنة السياسات النقدية في البنك المركزي .. ياتري اجتماع اللجنة هيكون امتي بالضبط.. واية القرار الاقرب لها في الفترة اللي جاية.. خليكم معانا للآخر وهتعرفوا التفاصيل في التقرير التالي.
حاليا كل الناس مترقبة الاجتماع اللي جاي للجنة السياسات النقدية في البنك المركزي، سواء الناس العاديين خصوصا ان سعر الفايدة بياثر علي كل حاجة في البنك وتحديدا في ملف الاسعار والفايدة لما بتزيد كل حاجة سعرها في البلد بيزيد معاها والعكس صحيح لو انخفضت في حاجات كتيرة سعرها بينزل.
اكثر الناس اللي مستنين علي نار للاجتماع الجديد للجنة السياسات النقدية بالبنك المركزي هما الناس اللي معاهم فلوس واللي تملي بيدورا علي ابواب الاستثمار وحاطين عنيهم علي القطاعات اللي كسبانة في الدولة سواء كانت دهب أو عقارات أو شهادات استثمار، والناس دي بتكون مستنية الاجتماع ده كل وقت والتاني علشان تحدد خطواتها في الفترة اللي جاية هتكون فين، ياتري الفلوس اللي معاه هيتسثمروا في اية، وهتكسب كام، خصوصا أن الناس دي بتكون عندها حسابات معينة لكل جنية معاهم.
طيب اجتماع لجنة السياسات النقدية في البنك المركزي هيكون امتي بالضبط؟.
لجنة السياسات النقدية في البنك المركزي هتعقد اجتماعها اللي جاي في أخر خميس من شهر ديسمبر الحالي وتحديدا هيكون يوم 26 من الشهر، وده الاجتماع الأخير للجنة في 2024، واللي فيه هيتم مراجعة أسعار الفايدة على الإيداع والإقراض وعلشان نكون عارفين أن لجنة السياسات النقدية بالبنك المركزي بتعقد اجتماعها كل 6 أسابيع بإجمالي 8 اجتماعات في السنة .
طيب القرار الاقرب للجنة السياسات النقدية بالبنك المركزي هيكون أية؟.
كل خبراء الاقتصاد اكدوا أنه علي الرغم من الاشاعات والأقاويل اللي بتاكد أن الاجتماع اللي جاي للجنة السياسات النقدية بالبنك المركزي هيتاخذ فيه قرار بخفض الفايدة علي الايداع والاقراض، فهو كلام مش مضبوط تماما، وإن القرار الاقرب هو التثبيت خصوصا أن تخفيض الفايدة هيكون سبب اساسي في سحب فلوس كتير واستثمارات كتير موجودة حاليا في مصر، خصوصا أن البنك المركزي والدولة المصرية بتحاول بكل الطرق أنها تحافظ علي الاستقرار المالي اللي موجود حاليا لاطول فترة ممكنة .
وعلشان نكون عارفين ان لجنة السياسات النقدية بالبنك المركزي علي مدار السنة عقدت 7 اجتماعات وكان اخر قرار لها هو الإبقاء على سعر الفائدة للإيداع والاقراض دون تغيير خلال والقرار ده اللجنة اخذته علي مدار 5 لها، وحاليا سعر الفايدة علي الإيداع والإقراض لليلة الواحدة بيوصل لـ 27.25% و28.25%، واخر قرار لرفع الفايدة كان في اجتماعات شهري فبراير ومارس.
البنك المركزي بيهدف من سياسته النقدية الحالية كبح جماح التضخم في مصر، وفعلا البنك المركزي قدر علي مدار الفترات اللي فاتت وده واحد من اهم اسباب الاستقرار المالي اللي موجود في مصر حاليا .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
