كشفت رولين القاسم، عن أسرع طريقة لنسيان العلاقة الفاشلة وتخطي أي خيانة، قائلة: «بالبلدي كدة حط عقلك في راسك تعرف خلاصك، شوف عاوز تمشي دنيتك إزاي، شوف أنت عاوز إيه من علاقاتك، اشتغل على روحك، مش عيب نكون خارجين من علاقات معقدين منها أو مجروحين.. بيحصل ووارد».
وأضافت «القاسم» خلال تقديمها بودكاست المتحدة «بونجور يا بيبي»، «فيه حاجات احنا مش بنختارها، زي أهالينا وأسامينا وغيرها، بس نقدر نختار احنا عاوزين ايه، كله في العقل، لو انت اشتغلت عليه وعرفت أولوياتك هتعيش برنس، لو معشتش كدة أنت الوحيد اللي خسران عشان انت الوحيد اللي بتدفع فاتورتك».
وتابعت رولين القاسم: «حاجات كتير تخليك سعيد باختياراتك، اهمها وأوقعها هو الصراحة والوضوح من الأول، مش عاجبك الجوازة دي متتجوزهاش، أرجوكي، عيشي وانبسطي، عيشي حياتك زي ما هي، مش تختاروا حاجة مجبورين عليكم».
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
